Разни се терориите за тоа како се обликува личноста, кој има пресудно влијание на формирање на личноста, дали тоа е околината и учењето, или личноста на луѓето се обликува под влијание на генетиката, па гените се тие кои имаат клучна улога кај секое лице. Постојат разни поделби според карактерот. Една од најчестите е поделба на конституцијата според Кретшмер.
Ернест Кретшмер, германски психијатар, ги поделил личностите во три групи, кои имале одредени особини според телесната градба.
Според таквата типологија, темпераментот и реакциите на поединците се одраз на нивната телесна градба, дали се, на пример, слаби или набиени (дебели). Така, типот пикник е крупен и ведар, астеник е слаб и агресивен, а атлетик го одликува спортска градба и натпреварувачки карактер. Кретшмер се обидел телесната градба да ја поврзе со психичките пореметувања, па заклучил дека пикниците заболуваат од депресија, а астениците почесто заболуваат од шизофренија. Конституцијата, значи, според тоа гледиште, воедно е и предиспозиција за одредени психички болести.
Астеник и пикник тип
Кретшмер ја вовел поделбата на астенични, атлетски и пикнички конструкциски видови. Сметал дека сите облици на човековото реагирање зависи исклучиво од неговата конституција, па така од нејзе зависат и неговите писхички способности и предиспозиции за одредени психички болести, како што се шизофренија, епилепсија, манично-прогресивна психоза.
Астеник лицето главно е слабо, нервозно, па под влијание на својот вегетативен нервен систем има низок притисок, нивото на шеќер во крвта му осцилира, а почесто има ниско ниво на шеќер. Пикник типот се конституциски и телесно посилни, подебели лица, амбициозни, брзо се лутат, љубоморни се. Имаат висок притисок, покачено ниво на шеќер во крвта што укажува на воспалителни процеси во организмот. Емотивните манифестации кои им се очитуваат под притисокот и стресот, се осцилации во расположението, од манично зголемено расположение кое го нарекуваат радост, до депресија која ги обзема кога се сами.
