КАШЛИЦА, ЗАМОР И БОЛКА ВО ГРЛОТО: Кои симптоми почесто се јавуваат кај новиот британски сој на коронавирусот

Според досегашните истражувања, новиот британски сој на коронавирус е позаразен и создава поголемо вирусно оптоварување, што би можело да доведе до поширока распространетост на инфекцијата во телото и може да ја објасни поголемата зачестеност на кашлицата, болките во мускулите и заморот кај лицата кои се инфицирани со овој нов сој.

Се чини дека симптомите на КОВИД-19 како кашлица, болка во грлото и болки во мускулите се почести кај лицата кои се заразени со мутираниот сој на коронавирус, кој прв пат е идентификуван во Велика Британија, укажува британска студија спроведена на 6.000 пациенти.

Губењето на сетилото за мирис и за вкус е поретко кај овој нов сој на SARS-CoV-2, но не значајно. Главоболка, отежнато дишење, пролив и повраќање и натаму се чести и слични и за двата соја на новиот коронавирус.

Според досегашните истражувања, новиот британски сој на коронавирус е позаразен и создава поголемо вирусно оптоварување, што би можело да доведе до поширока распространетост на инфекцијата во телото и може да ја објасни поголемата зачестеност на кашлицата, болките во мускулите и заморот кај лицата кои се инфицирани со овој нов сој.

Некои од новите промени во различните делови на вирусот, може да влијаат на имунолошкиот одговор на телото, а исто така влијаат на распонот на симптоми поврзани со инфекцијата, истакнуваат стручњаците.