Патот до потомство не е лесен, иако со тоа во целост не би се согласиле двојките на кои за позитивен тест им бил потребен само еден, единствен секс.
Сепак, мора да постои некој просек кој би може да ни помогне во остварувањето на планот и проширувањето на семејството, зарем не? Ако може да се суди според последните анкети, не само што постои просек, туку и мошне прецизна бројка која ќе ги даде саканите резултати – 78!
78 пати за 158 дена, односно за околу 6 месеци. Толку пати во просек треба да имате секс за да забремените, и тоа од иницијалната одлука, па сè до двете цртички на тестот за бременост.
Интернетската страница за млади родители, ChannelMum.com, испитала 1 194 родители за да дојде токму до овие резултати. Се дознало дека повеќето двојки во процесот на обидување имале секс по 13 пати месечно.
Судејќи според кажувањата објавени на страницата, овој вид секс во многу се разликува од оној необавезниот, а анксиозноста која доаѓа со мислите за бебе, за 18 проценти од младите родители сексот го претвора во обврска. Останатите 43 проценти чувствувале притисок и страв од тоа обидот да биде неуспешен.
„Овој процес може да биде забавен, но и напорен, стресен, а често и неуспешен. Затоа додека сте фокусирани на своето идно бебе, многу е важно да не заборавите еден на друг“, вели основачот на страницата Сиобан Фригард.
