Лицата кои преживеале срцев удар, а имаат вишок килограми око половината, изложени се на поголем ризик од втор срцев удар, укажува нова студија. Претходните истражувања покажале дека абдоминалната (стомачна) дебелина е важен ризик фактор за прв срцев удар.
Ова истражување покажало дека зголемувањето на абдоминалната дебелина независно е поврзано со фатален и нефатален срцев удар и со мозочен удар, без разлика на останатите ризик фактори, како пушењето, дијабетесот, хипертензијата, зголеменото ниво на липиди, зголемување на индексот на телесна маса.
Се смета дека обемот на половината е поважен показател за повторувачки кардиоваскуларни проблеми, од вкупната телесна тежина, односно дебелина на пациентот.
Исто така, се покажало дека односот помеѓу обемот на половината и повторувачките кардиоваскуларни случувања бил поизразен и линеарен кај мажите.
