КИНЕСКИТЕ НАУЧНИЦИ ТВРДАТ: Коронавирусот може да биде присутен во спермата на заразените – “Може ли да се пренесе преку сексуален пат? Сè уште не знаеме“

Новиот коронавирус се задржува во спермата, дури и кога мажите почнуваат да се опоравуваат од КОВИД-19, објавија кинеските научници. Тоа значи дека новиот коронавирус би можел да се шири и преку сексуален пат.

Научниот тим на Општата болница Shangqiu тестирал 38 машки пациенти кои во јануари и во февруари се лекувале во оваа установа од КОВИД-19.

Кај 16 проценти од нив имало траги од коронавирусот во семената течност, објави списанието JAMA Network Open. Околу една четвртина од испитаниците, биле во акутна фаза на болеста, а речиси девет проценти од нив биле на пат на опоравување.

“Откривме дека SARS-CoV-2 може да биде присутен во спермата на пациентите заболени од КОВИД-19, и дека вирусот може да се детектира дури и кај оние пациенти кои речиси се опоравиле“, вели д-р Дианџенг Ли од болницата во Пекинг.

“Дури и ако вирусот не може да се умножува во машкиот репродуктивен систем, тој таму може да се задржи што веројатно произлегува од посебниот имунитет на тестисите. Тоа значи дека имуниот систем не може во целост да ја досегне таа регија, како би го нападнал вирусот“, објаснува тој.

“Ако се докаже дека SARS-CoV-2 може да се пренесе по сексуален пат, тоа би можело да биде многу важно откритие во воздржувањето од идни зарази“, велат научниците.

Ова сознание не изненадува многу. Многу вируси може да преживеат во машкиот репродуктивен систем. И вирусите Ебола и Зика се пронајдени во машката сперма, понекогаш и месеци откако мажот ќе се опорави.

Сè уште не е јасно дали вирусот може да се шири на овој начин. Имено, присуството на вирусот, нужно не значи и дека може да дојде до зараза.

“Ако се докаже дека SARS-CoV-2 може да се пренесе по сексуален пат, тоа би можело да биде многу важно откритие во воздржувањето од идни зарази“, велат научниците.

“Апстиненцијата и користењето кондом може да нидат превентивни мерки. Како додаток, ќе биде важно и мониторирање на развојот на фетусот. Избегнувањето на плунка и крв од заболениот, можеби нема да биде доволно, оти преживувањето на вирусот во спермата може да значи и дека вирусот може да се прошири и преку сексуален пат“, потенцираат научниците.