Кламидија во окото – причини, симптоми и лекување

Она на што треба да се обрне внимание е дека инфекцијата со кламидија е релативно безопасна кај возрасните, но кај децата може да доведе до слепило.

Кламидискиот конјунктивитис е воспаление на спојката на окото, односно обвивката која ја обложува внатрешната страна на капакот и ја покрива белката. Инфекцијата на окото која е предизвикана со кламидија ќе ги предизвика истите симптоми, како и кај која било друга инфекција на окото. Главни симптоми се црвенило, гноен исцедок од окото што е присутен кај повеќето наутро, печење, како и чувство на иритација на окото кое е слично на она кога во окото ќе ви влезе прашинка или зрнце песок. Во некои случаи можно е да се забележи зголемување на една или двете лимфни јазли покрај увото. Како уште се пренесува кламидијата освен по полов пат? Кламидијата пред се, се пренесува преку телесните течности што може да вклучува:

  • Чепкање на очите со раце кои биле во контакт со половите органи;
  • Делење пешкири, козметика или вештачки трепки со личност која има кламидија на очите;
  • Сексуален контакт со личност која е заразена;
  • Вагинално породување за време на кое детето може да добие инфекција од заразената мајка.

Кои се симптомите на кламидија во окото (бактерија во окото симптоми):

Симптомите на инфекцијата на окото која е предизвикана со кламидија во поголемиот дел се еднакви на симптомите на останатите бактериски и вирусни инфекции на окото. Симптомите на очната кламидија кај возрасните се развиваат бавно, а се:

  • Црвенило на окото,
  • Сврбеж на окото,
  • Отеченост на окото,
  • Чувствителност на светлина,
  • Исцедок од окото,
  • Чувство на иритација во окото.

Болките во окото, како и промени на видот не се типични симптоми на зараза со кламидија. Кај новороденчињата се јавува типично црвенило околу очите, отеченост на капаците, како и воден исцедок кој се јавува околу 5. ден од животот. За време на прегледот може да се забележи и воспаление, јазолче или лузна на ткивото внатре во капакот што е типична појава кај кламидијата.

Вирусна инфекција на окото, симптоми:

  • Црвенило,
  • Чувствителност на светлина,
  • Отеченост на очите,
  • Исцедок од окото, 
  • Болка во окото,
  • Заматеност на видот,
  • Чешање на очите,
  • Промени на ткивото на окото (ранички, јазолчиња, белези…).

ДИЈАГНОЗА

Со оглед на тоа дека кламидијата ги предизвикува истите симптоми, како и останатите очни инфекции, веројатно, ќе треба да направите брис. Тоа е постапка при која се зема примерок од површината на конјунктивата на окото. Во некои случаи може да добиете и упат за тестирање на други полово преносливи болести како што се гонореа, сифилис, ХИВ/АИДС.

ЛЕКУВАЊЕ

Ако конјунктивитисот е предизвикан од кламидија, обичните капки нема да помогнат. Кламидијата во окото нема да помине сама од себе, туку ќе предизвикува симптоми се додека не почне да се третира на вистинскиот начин. Таа обично се лекува со антибиотици во форма на таблети; потоа во форма на капки за очи или маст. И она на што треба да се обрне внимание е дека инфекцијата со кламидија е релативно безопасна кај возрасните, но кај децата може да доведе до слепило. Затоа ако забележите некој од симптомите на кламидиска инфекција на окото кај вашето малечко, обавезно побарајте лекарска помош.