Додека некои мислат дека отстранувањето влакненца со восок или брич го зголемува ризикот од инфекции, други мислат дека мазните препони се нешто совршено. Гинеколог открива што всушност е вистина.
Доктор Шри Дата открива дека прашањето е мошне комплексно. Отстранувањето на влакненцата, било да е со восок или брич, нема да му штети на телото, пренесува Дејли стар. Но во одредени ситуации може да реагирате лошо на третманот.
„За повеќето луѓе бричењето е сосема во ред, но одбегнувајте го доколку имате некоја акутна инфекција или осип. Постојат одредени состојби кои морате да ги третирате пред да се подложите на некој вид депилација. Во тој случај ризикувате поголема иритација. Доколку имата враснати влакненца, тие може да се резултат на нивното отстранување“, појаснува лекарот.
Восокот може да предизвика проблем доколку оној кој се користи е претопол. Се советува да одбегнувате отстранување влакненца доколку имате некои проблеми на кожата.
„Во повеќето случаи е потполно во ред, но ако имате некоја отворена раничка, пликови или инфекција, одбегнувајте восок. Секое средство за отстранување влакна носи извесен ризик, а ваше е да откриете кој метод во одговара најмногу“, додава докторот Дата.
Постојат и оние кои советуваат дека влакната треба да се остават онакви какви што се. Отстранувањето влакненца е корисно во некои случаи, но треба да се знае дека го зголемува ризикот од фоликулитис, а некои истражувања укажуваат и на зголемената опасност од зараза со полово преносливи болести затоа што така бактериите полесно доаѓаат до нашата кожа и преку неа во крвта.
