КОГА Е ПОЗИТИВЕН, А КОГА НЕГАТИВЕН? Грешка која често се случува при читање на брзиот тест на КОВИД-19

Самотестирањето со брзи тестови, како се зголемува бројот на нови инфекции со коронавирусот, луѓето се почесто го применуваат. Но, контролната плочка треба внимателно да се прегледа при читање на резултатите, бидејќи и бледа втора линија може да укажува на тоа дека сте позитивни на новиот коронавирус, односно дека имате КОВИД-19.

Брзите антигенски тестови не се новина, но се почесто ги користат фирми, компании, семејства, па и училиштата со цел да се спречи ширење на инфекцијата меѓу вработените, односно заедницата.

При читање на резултатите, потребно е многу внимателно да се провери дали покрај контролната црта (C) е исцртана и втора црта (Т), што значи дека тестот е позитивен. Во многу случаи, цртата на буквата Т е многу бледа или речиси невидлива, што сепак може да укажува на позитивен тест.

Таков случај на социјалните мрежи опишал физичарот д-р Матјаж Личер од Агенцијата за животна средина на Словенија. Кај него при брз тест покрај контролната линија Ц била исцртана и многу бледа Т линија која била речиси невидлива. Инфекцијата со коронавирус подоцна докторот ја потврдил со ПЦР тест. Под неговата објава се јавиле и други лица кои имале слично искуство.

Тестот на КОВИД-19 е негативен ако е видлива линија или црта само покрај буквата С, додека во случај линијата да е означена само покрај буквата Т, тестот е неважечки. Доколку има линија и покрај буквата С и покрај буквата Т, колку и да е лошо видлива, тестот е позитивен и мора да се обратите кај матичниот лекар за да направите ПЦР тест.