Бричовите, особено оние за еднократна употреба, претставуваат идеално место за развој на бактерии. Иако се корисни за брзо и едноставно отстранување на влакната од телото, потребно е внимателно да се ракува со нив.
Лоши страни на бричот
Бидејќи бричовите се направени за еднократна употреба, тие многу брзо стнуваат тапи, па така може да предизвикаат посекотини и разни инфекции на кожата. Стручњаците препорачуваат замена на бричот со нов, по пет до десет пати користење. Стариот брич може да предизвика проблеми, бидејќи многу лесно може да стане подрачје идеално за равој на бактерии и инфекции. Доколку се исечете, тоа само ќе го зголеми ризикот од зараза.
Најчести инфекции
Најчеста бактериска зараза е златна стафилокока или Staphylococcus. Оваа инфекција на кожата обично се манифестира како болен осип или чир која се појавува на површината. Големи се шансите да се појават и микроби кои предизвикаат габични инфекции, а ќе ги имате доколку го оставате мокар бричот или ако не го исчистите. Стручњакот и дерматолог Витни Бов навел дека е време за фрлање на бричот доколку забележите дека остриот дел почнал да рѓосува, да станува тап и да се трие од кожата.
