Кога и колку често секоја жена мора на мамографија?!

Центрите за превенција и контрола на болести тврдат дека ракот на дојка е најчест облик на рак кај жените и заради тоа е важно да се оди на прегледи со чија помош и самото лекување ќе биде полесно. Сепак, првата мамографија знае да биде застрашувачка, затоа што најчестата асоцијација за овој преглед е можноста за страшна дијагноза.

Доктор Лори Марголис тврди дека мамографијата е важна затоа што може да спаси живот, а наведува и неколку работи кои секако треба да ги знаете за прегледот.

„Една од осум жени има рак на дојка“, тврди докторката, „а најризични години за рак на дојка се 40-те“, рекла.

Редовен преглед за жените во четириесеттите

Американското онколошко здружение предлага жените на возраст меѓу 45 и 54 години да одат на мамографија секоја година додека за оние постари од 55 се препорачува одење на мамографија на секои две години. Без оглед на возраста, на одењето на мамографија влијае и генетиката. Така се наведува дека жените чии мајка, баба или сестра имале дијагностициран рак дека спаѓаат во ризична група и дека како такви би требало почесто да одат на мамографија. Ако не ја знаете историјата на болести во семејството тогаш се препорачува одење на мамографија со наполнети 40 години.

Мамографија е снимање на дојките

Важно е доволно да се информирате за овој преглед да ви биде полесен.

„Со мамографија се сликаат градите, а за тоа да се овозможи самата дојка благо се притиска со пластична плоча за рамномерно да се рашири ткивото и да се видат сите абнормалности“, вели доктор Марголис.

Што се однесува до радијацијата на уредот за мамографија, доктор Марголис наведува дека таа не е  ни најмалку загрижувачка и дека содржи ниски нивоа на радијација, и дека ризикот е еднаков на нула



Мамографијата вклучува болни прегледи?

Мамографските прегледи се индивидуално искуство – за едни болни, за други не. Кај постарите жени може да има болка, која се поврзува со нешто почувствителна  и сува кожа. Болката може да се појави, но на крајот – трае само една минута.