Веќе една година се расправа кога пандемијата би можела да заврши. Досега одговорите беа отрезнувачки, но и тоа се промени. Откако водечките германски виролози зборуваат за “добро лето“, многумина се надеваат во завршување на пандемијата. Во Германија инциденцата паѓа под 1000, а бројот на вакцинирани секојдневно се зголемува. Се гледа ли крајот?
И во САД стручњаците покажуваат оптимизам. Епидемиологот од Универзитетот Џон Хопкинс, Џастин Леслер вели дека се чини оти “вакцините ќе победат“ дури и ако нема да има нешто како конечен ден на пандемијата. И вирологот Ентони Фаучи е уверен дека “пандемијата со КОВИД-19 ќе заврши“ и додава “ако до есен успееме да извакцинираме околу 70 проценти од луѓето, ќе излеземе од фазата на епидемија и ќе влезе во фаза на контрола“.
Дури и ако овие зборови даваат причина за оптимизам, во многу земји тоа нема да биде така едноставнп. Бидејќи, кога и дали оваа пандемија ќе заврши, зависи од многу фактори, а на некои е тешко да се влијае.
Стапката на вакцинирано население се зголемува и во нашата земја. Но, дали стапката на вакцинираност од 80% може да се постигне во наредните месеци е под знак прашалник. Проблем: Тоа вклучува, на пример, лица на кои во моментов не им се препорачува вакцина, како трудници или деца.
Сите земји имаат различна стратегија за привлекување на што е можно поголем број лица за вакцинација, дел од земјите се соочуваат со недостаток на вакцини, па доаѓа до стагнација и проблеми со имунизацијата против новиот коронавирус.
Покрај тоа, вакцините е можно да треба да се освежат. Епидемиологот Карл Лаутербах смета дека вакцинираните ќе држат имунитет од околу шест месеци, по добивање на вакцина против КОВИД-19.
И покрај сите лоши вести: експертите навестуваат на некаков вид на прекин на опасноста и претпоставуваат дека вирусот станува ендемичен. Тоа значи дека ќе се приклучи на низата вируси кои предизвикуваат сезонски настинки и најверојатно ќе стане детска болест ако децата сè уште не бидат вакцинирани. Но, дотогаш, ќе мора да бидеме малку трпеливи: вирусолог од Клиничкиот центар во Берлин, Кристијан Друстен, смета дека тоа може да се случи дури за околу година и половина.
