Сепак, на многумина им се случува нагло опаѓање на косата при што таа станува кршлива и без сјај и тоа може да биде знак дека треба да побарате стручна помош.
На главата имаме вкупно околу 100 илјади влакна, а ако дневно паднат до 100 тоа се смета за нормална појава. Тие влакна се менуваат со нови, но ако косата почнала нагло да ви опаѓа, кршлива е и без сјај тоа може да е причина да појдете на лекар затоа што може да укажува на пореметување на работата на штитната жлезда.
Кога функцијата на штитната жлезда е намалена и кога имате синдром на полицистични јајници еден од симптомите на овие состојби може да биде губење на косата. Кај жените до опаѓање на косата може да дојде и заради зголемување на хормонот тестостерон.
Можни причини за опаѓање на косата се:
Вишок на витамин А во организмот
Оваа состојба се случува кај жените кои земаат суплементи како што е бета-каротен кој го забрзува потемнувањето при сончање. Најважно е пред земањето какви било суплементи да се консултирате со лекар.
Стрес
Стресните животни ситуации како што е губење на саканата личност или разводот, и тоа како можат да влијаат на косата и да доведат до нејзино опаѓање.
Лекови
Некои лекови особено оние кои се користат во лекувањето на ракот резултираат со губење на косата. Она што треба да се знае е дека новата коса која ќе порасне по опоравувањето е многу појака, погуста и поубава од претходно.
