Со оглед дека работат без престанок, низ нив дневно минуваат 180 литри крв. Тоа значи дека нашата плазма се прочистува 60 пати во текот на денот. Од таа огромна количина, 99% се враќа во циркулацијата, а само околу еден литар и половина се излачува во форма на урина.
“Од овие податоци јасно е дека бубрезите се изложени на бактерии и токсини, кои на различни начини, најчесто пеку дигестијата, дошле во циркулацијата. Воспаленијата на уринарните патишта се многу чести. Речиси и да нема маж или жена кои не се сретнале со воспаление на простатата или на мочниот меур. Нелекуваните воспаленија може да се прошират и на бубрезите предизвикувајќи акутно или хронично воспаление“, потеницра прим. д-р Далибор Чичин, уролог.
“Акутното воспаление се карактеризира со висока телесна температура, треска и болки во грбот. Симптомите кај хроничното воспаление не се така драматични, но со тек на времето доведуваат до постепено намалување на функцијата на бубрезите. Тоа се карактеризира со мачнина, повраќање, губење на апетитот, општа слабост, грчеви во мускулите. Неретко се видливи и отоци на зглобовите и зголемен крвен притисок“, појаснува прим. д-р Чичин.
