Со оглед на тоа дека сезоната на забави е во полн ек, не е лошо да се потсетиме дека алкохолните пијалаци и покрај тоа што ни помагаат да се опуштиме и да уживаме во забавата, сепак, неповолно влијаат на тенот. Според истражувањата на Институтот од Стокхолм, во кој се развиваат најновите технолошки решенија во индустријата на убавината, главен виновник за несакани траги на кожата на лицето после забава е текилата, а по неа следуваат вотката, пивото и виното.
Анализирајќи ги трагите што алкохолот ги остава на кожата, истражувачите откриле дека постои нешто што можеме да го наречеме „мамурлак“ на кожата – веројатно, сите сме забележале непријатни траги на лицето после неколку чашки, но за овој феномен, веројатно, не сме ни биле свесни досега.
Ова е топ листа на пијалаци кои не се најдобри пријатели на кожата: текила, вотка, пиво, бело и црно вино. На чело на листата е и „кралот“ на новогодишната ноќ – шампањското.
Алкохолот генерално не влијае добро на кожата затоа што доведува до дехидратација и ги прави порите повидливи, а придонесува и за прерано стареење на кожата. Некои од нашите омилени придружници на забавите кријат и повеќе штетни ефекти по кожата од што сме помислувале.
На пример, ако сте љубител на пиво имајте на ум дека овој пијалак го прави лицето отечено, додека црното вино предизвикува иритации на кожата, а белото вино предизвикува црвенило. Текилата и вотката се најголеми виновници за можноста за појава на акни.
