Кои болести може да го блокираат слабеењето?

Се трудите, вежбате и внимавате што јадете, но сепак бројките на вагата не покажуваат напредок...

Сте дошле во фаза кога веќе сами себе се казнувате оти сте можеле да бидете поодговорни и да вложите повеќе напор, но едноставно не разбирате што погрешно правите што вашата диета не напредува? Пред да се препуштите на стресот, кој дополнително може да му наштети на здравјето на организмот и да одлучите да бидете на уште построг режим на исхрана, запрашајте се дали е се во ред со вашето здравје.

Важно е да бидете свесни за фактот дека нашиот организам е како швајцарски часовник и ако го пореметиме, тоа ќе се забележи на здравјето. Кога е во прашање внесот на намирници со цел на намалување на телесната тежина, не смеете да гладувате, туку да бидете во здрав калориски дефицит.

“Пациентите често во амбуланта доаѓаат жалејќи се дека тие многу малку јадат, а имаат вишок килограми, но кога ќе седнеме и ќе почнеме да запишуваме што се изеле во текот на денот, излегува дека тоа и не е така мала количина. Многу луѓе и не сфаќаат дека калориите кои ќе се внесат во организмот, треба и да се потрошат, а потрошувачката е физичка активност“, велат ендокринолозите.

Тие додаваат дека освен физичката активност, и разни други здравствени проблеми може да влијаат на неуспешноста на диетата.

Пред да се препуштите на стресот, кој дополнително може да му наштети на здравјето на организмот и да одлучите да бидете на уште построг режим на исхрана, запрашајте се дали е се во ред со вашето здравје.
  • СТРЕС

Стресот делува на секоја болест, па така и на дебелината. Најважно е да се менуваат навиките, а разговорот со психолог може да помогне да се препознае проблемот и да се најдат алатки кои се потребни за промена и за надминување на стресот.

  • ЦРЕВА

Во прашање може да биде алергија на храна, интолеранција, лоша дигестија… Но, тоа треба да го утврди исклучиво лекар. Се советува земање пробиотици, кои ги хранат нашите корисни бактерии, но сепак важна е храната која се внесува, начинот на кој се внесува и количината.

  • ВОЗРАСТ

За жал и таа влијае на успешноста на диетите, најчесто поради слабата физичка активност, а и метаболизмот побавно работи. Но, иако како поминуваат годините слабеењето оди потешко, сепак наталожените килограми може да се изгубат, но е потребно време.