Според гинеколозите, набројаните промени се нормални и не се причина за загриженост кај жените.
- Неколку дена по менструалниот циклус
Нивото на естроген и прогестерон е многу ниско, па секретот веројатно ќе биде оскуден или воопшто нема да го имате. Исто така, може да забележите и темнокафеав исцедок, што се само остатоци од крв.
- Седум до 10 дена пред овулација
Нивото на естроген повторно расте и здравиот секрет станува бел или матен, малку леплив и густ.
- Овулација
Секретот станува проѕирен и воденест (по конзистенција, сличен на белка од јајце). Исто така, ќе забележите дека е пообилен од било кој период во месецот, бидејќи нивото на лачење на естроген го достигнува пикот. Ова се најплодни денови и затоа секретот им олеснува на сперматозоидите полесно да стигнат до јајце клетките.
- Две недели пред менструалниот циклус
Нивото на естроген веднаш по овулацијата почнува да опаѓа и секретот станува леплив и речиси бел или белузлав и заматен. Како наближува новиот циклус, нивото на хормони е се пониско.
