Индија која има 1,3 милијарди жители, досега пријавила 6,3 милиони заразени – веднаш по САД кои се на светскиот врв по бројот на случаи на инфицирани и со над 98.000 починати од КОВИД-19.
Раманан Лаксминарајан, главен истражувач кој работел на студијата, вели дека неговиот тим открил дека 70 проценти од заразените никому не ја пренеле болеста.
Помала група со 8 проценти заразени била причина за појава на 60 отсто од новите случаи.
Истражувачите во август ги проучувале начините на пренесување меѓу повеќе од половина милион контакти кои биле изложени на 85.000 потврдени случаи во две земји во Индија, каде живеат 118 милиони луѓе.
“Резултатите покажуваат дека со секое попуштање на мерките, мора да се води сметка за тоа дека сите луѓе не го пренесуваат вирусот на ист начин и дека можеби децата се важни во синџирот на пренесување“, вели Лаксминарајан.
Во студијата учествувале десетици илјади здравствени работници кои ги следеле контактите во последните шест месеци, додава Лаксминарајан, директор на Центарот за динамика на болести во Вашингтон.
