Кои се причините за болки во вратот?

Вкочанетоста и болката во вратот се многу чести тегоби, кои се јавуваат на секоја возраст. Може да бидат последица од контракција на мускулите, а го отежнуваат движењето и создаваат чувство на непријатна вкочанетост.

Миогена вкочанетост на вратот

Тоа е последица на природно пократок мускул на страничниот дел од вратот. Причина може да биде миозитис, односно воспаление на мускулот во ембрионалниот стадиум или хематом до кој дошло за време на породувањето. Често се ресорбира сам од себе без последици, но понекогаш останува фиброзна лузна, причина за скатувањето на мускулот. Симптомите на миогена вкочанетост на вратот препознатливи се на прв поглед: вратот е искривен, присутна е болка, а движењата се отежнати.

“Обична“ вкочанетост на вратот

Станува збор за контракција на мускулот, предизвикана од нагло движење, најчесто погрешна положба за време на спиење или промаја. Може да биде поврзана со артроза или хернија. Се јавува силна болка ии отежнато движење, а често и неподвижност. Болката настанува и исчезнува одненадеж.

Артроза на тилот

Артрозата е дегенеративна болест на зглобовите која настанува како последица на дегенеративни промени во зглобната ‘рскавица. Како последица на оштетувањето доаѓа до промена на обликот на самото зглобно тело, со евентуално создавање на коскени шилци, како и последични воспаленија на меките ткива во непосредна околина на зглобот. Болеста се јавува речиси секогаш кај лица над 50 години, но може да се јави и порано. Дегенеративните болести имаа хроничен тек, може да бидат тригерирани со некоја почетна траума, но тоа не е директната причина.
Симптоми кои се јавуваат се вртоглавица, главоболка и вкочанетост на вратот.

Хернија на дискот

До дискус хернија доаѓа кога еластичната и отпорна структура, која делува како “перница“ помеѓу два прешлена се деформира, се поместува од местото и ги притиска корените на нервите кои ислегуваат од ‘рбетниот мозок. Тој притисок предизвикува силни болки во вратот и рацете.

Цисти на вратот

Цистите на вратот се присутни уште од раѓање, а последица се промени во развојот на структурата во ембрионалниот стадиум. Се јавува отеченост и сулна болка, а доаѓа и до создавање на мали дупчиња од кои излегува течност. Најголема опасност е инфекција.

Отеченост на лимфните јазли

Станува збор за акутно воспаление на лимфните јазли на вратот кое може да биде последица на пречки во ждрелото, устата, увото. Се јавуваат еден или повеќе отечени лимфни јазли на страната од вратот. Болкатаа е ограничена, но понекогаш слина. Отеченоста може да потрае и многу подолго од болеста што ја предизвикала.