Мажите во случај на инфаркт, се типични пациенти кои ги препознаваат симптомите, и по правило реагираат на нив подобро од жените.
Кај мажите обично се јавува болка во градите, тешко дишење, болка која се шири кон лактот, левото рамо или вилицата и препотување. Тое е типична клиничка слика на она што се нарекува инфаркт. Жените често немаат таква клиничка слика, туку обично опишуваат чувство на прободување, нетипични болки или пречки во градите.
Токму поради тоа, често се случува жените да преминат преку инфаркт и тој да се препознае дополнително, а тоа е воедно и најголемиот проблем кај оние 30% од лицата со инфаркт, кои за жал, не доаѓаат во болница. Ако не ги препознаете симптомите, логично е да не побарате ниту медицинска помош.
Зошто е така?
Се уште не се знае точниот одговот на прашањето зошто кај жените се јавуваат нетипични симптоми. Инфаркт најчесто добиваат жените во средна и постара возраст, но може да им се случи и на млади жени, што е уште поголем проблем бидејќи препознавањето на симптомите е уште потешко, со оглед дека за млада личност никој и не помислува дека би можела да дпживее инфаркт.
Последиците на таквото непрепознавање на симптомите и доцнењето во болница, а ако лицето не стигне во здравствена установа во првите 12 часа од моментот кога почнале проблемите, можноста за лекување се ограничени.
