“Главна функција на штитната жлезда и причината за нејзиното постоење е производството и лачењето на хормонот на тироидеата Т4 и Т3. Нејзините хормони се главни регулатори на организмот и се клучни за одработување на сите процеси кои се одвиваат во сите органи и ткива“, појаснува д-р Јосип Станиќ, специјалист по нуклеарна медицина
Според пишувањата на Американската организација за штитна жлезда, здравата штитна жлезда со производството на хормони му помага на телото при користење на енергија, загревање, и ја поддржува правилната функција на мозокот, срцето и мускулите.
Симптомите се јавуваат кога таа не функционира правилно, што е индикација дека мора да посетите лекар.
- ХИПОТИРЕОЗА – СИМПТОМИ
Според лекарите, класичните симптоми на хипотиреоза може да вклучуваат замор, запек, чувствителност на студенило, нерегуларен менструален циклус, сувост на кожата или дебелеење… Почесто се појавува кај мажите, а појавноста се зголемува со годините.
- ХИПЕРТИРЕОЗА – СИМПТОМИ
Преголемата активност на штитната жлезда ќе оддава симптоми како прескокнување на срцето, анксиозност, тремор, чувствителност на високи температури, нередовен менструален циклус, потешкотии со спиењето и намалување на телесната тежина.
Доколку сте забележале само еден од овие симптоми, не мора да значи дека имате проблем со штитната жлезда.
“Важно е да се знае дека сите споменати симптоми не се баш специфични за штитната жлезда, но ако сте ги забележале сите, тогаш е време да посетите лекар“, вели д-р Станиќ.
