Забрзано биење на срцето, сува кожа и болка во устата може да бидат знаци дека има недостаток на железо во крвта. Според Светската здравствена организација, осум од десет лица имаат недостаток на железо во крвта, кое е од витално значење за транспорт на кислород низ телото и за одржување на здрав имунитет.
Жените, за да бидат здрави и витални треба да внесуваат 18 милиграми железо на ден, а мажите осум милиграми.
Лекарите советуваат дека доколку се соочите со некои од овие девет симптоми треба да го проверите нивото на железо во крвта
Постојана исцрпеност
Тоа е најчест знак за дефицит на железо. Ниската вредност на железо ја влече енергијата од ткивата, па што чувствуваме постојан замор, бидејќи телото се обидува да извлече енергија од сите можни извори.
Краток здив
Бидејќи нема ефикасен транспорт на кислород во мускулите и органите, тоа може да се манифестира со губење на здив додека вежбате или се качувате по скали.
Бледа кожа
Бледа кожа, како и бледило на јазик, нокти, очни капаци е секогаш поврзано со ниско ниво на железо во крвта и со анемија.
Немирни нозе
Синдромот на немирни нозе се манифестира како желба постојано да се мрда со нозете и се влошува во текот на ноќта, кога исто така може да се чувствува трнење во стапалата, бутовите и мускулите.
Главоболка и вртоглавица
Заради недостатокот на хемоглобин во крвта, кој е предизвикан од дефицитот на железо, кислородот не доаѓа до мозокот, што предизвикува стеснување на крвните садови и зголемување на притисокот. Ако ве боли глава за време на менструалниот циклус, тоа е уште еден доказ. Исто така, недостатокот на железо предизвикува вознемиреност, напади на паника, промени во расположението, депресија и недостаток на концентрација.
Кршливи нокти
Колку е пониско нивото на железо во крвта, толку ноктите изгледаат полошо.
Прескокнување или забрзано биење на срцето
Ова е сериозен симптом и се препорачува да се посети лекар.
Отекување и болка во устата
Болниот, отечен и чудно мазен јазик може да биде знак за недостаток на железо. Пукнатини на аглите на усните исто така.
Сува кожа и коса
Во потешки форми може да се случи и комплетно губење на косата
