Научниците откриле дека испитаниците кои држеле диета и се мереле секој ден загубиле најмногу телесна тежина, а просечниот период меѓу мерењето телесна тежина без тенденција за дебелеење е 5,8 дена. Оваа посебна студија анализирала 2 838 мерења на тежината кај 40 луѓе, кои сакале да изгубат вишок килограми. Интересно е дека повеќето испитаници ја повратиле својата претходна тежина во рок од 3 до 5 години.
Уште некои студии се бавеле со оваа проблематика, па така друга студија објавена во магазинот New England успешно го следела слабеењето на 314 луѓе, откривајќи дека тие секојдневно се мереле и имале помала можност да се здебелат 2-3 килограми или повеќе во наредните 18 месеци.
Студија, пак, објавена во магазинот Obesity, ги проучувала податоците добиени од 3 000 луѓе кои се обидувале да ослабат и открила дека честото мерење на телесната тежина е поврзано со поголемата когнитивна воздржаност и дека оние кои се мереле секој ден имале помала веројатност да се здебелат од оние кои на вага застанувале еднаш неделно. Без оглед на податоците на овие студии, истражувањата го потврдуваат и она што веќе го претпоставувавме – телесната тежина варира во текот на неделата, зголемувајќи се во деновите од викендот кога помалку се движиме и консумираме пообилни оброци. Најмногу килограми имаме во недела и понеделик, а потоа во текот на работната недела тежината генерално се намалува.
