Колку далеку морате да стоите од болна личност за да избегнете да се заразите?!

Декември и јануари се „најболните“ месеци во годината, а вие сигурно не сакате да бидете една од оние личности кои лежат во кревет и боледуваат. Еве колку точно треба да бидете оддалечени од болна личност за да не се заразите со грип.

Сезоната на грип е во полн ек и сите бараат решение како во тој хаос да не се разболат. Луѓето дури и стануваат параноични, па е доволно некој да се закашла и сите да почнат попреку да го гледаат. Заради ова е важно да знаете на која дистанца треба да бидете од болната личност за да бидете безбедни.

Центарот за контрола на болести има одговор на ова прашање:

Имено, сите кои се наоѓаат во круг од 182 см во однос на личноста заразена со инфлуенца се во опасност да заболат од оваа болест.

„Експертите тврдат дека вирусот на грип се пренесува преку капките кога луѓето киваат или кашлаат. Овие капки можат да се најдат на лицето на личноста која е во близина на болниот, па оттаму потоа да се пренесат до устата или носот, по што доаѓаат и до белите дробови, предупредува Центарот за контрола на болести.

Поретко болеста се добива доколку прво се допираат предмети кои ги користела болната личност, а потоа лицето.

„Можете да сте болни од грип и до 48 часа, а да не знаете кога сте го „собрале“ вирусот. Истовремено вие сте и преносител на тој вирус. Секој кој ќе се сретне со вас во круг поблизок од 182 см ќе биде заразен“, вели професорот д-р Вилијам Шафнер од универзитетот Вандербилт.

Ова е мошне лоша вест доколку живеете во милионски град или ако патувате со јавен превоз. Речиси е невозможно во вакви услови да останете имуни на грип.