“Истражувањата кои се спроведуваат се охрабрувачки и се чини дека пека поголемиот број лица кои се опоравиле, односно кои ја преболеле болеста имаат долготрајна заштита, сега веќе некои осум месеци. Охрабрувачки се и истражувањата кои се спроведени за вакцините во последните неколку дена“, вели проф. Алемка Маркотиќ, директор на Клиниката за инфективни болести во Загреб.
Една добра вест, вели проф. Маркотиќ е истражувањето на Модерна, каде се покажало дека некаде по четири месеци по целосното вакцинирање, луѓето и натаму имаат високи нивоа на антитела кои слабо се намалуваат, што значи дека заштитата би можела да биде долгорочна.
“Втора добра вест е Фајзеровото истражување, во кое се покажало дека моделите мутанти на овие вируси кои брзо се шират до 70 проценти и предизвикуваат проблеми во Велика Британија и Африка, а се шират и наоколу, вакцината на Фајзер штити и против тие мутанти, барем според првичните истражувања“, објаснува професорката и додава дека е тешко да се каже колку долгоо вакцината би можела да штити од зараза.
“Тоа е тешко да се каже, оти немаме доволно долги истражувања. Модерна сега планира 13 месечно следење и евентуални долгорочни несакани ефекти и заштита, но очекуваме, според прелиминираните истражувања, дека е можно да биде долга заштита и над една година. Некои, кои се оптимисти, очекуваат и неколку години“, појаснува проф. Маркотиќ.
