Колку долго всушност алкохолот останува во организмот

Колку долго алкохолот останува во нашиот систем? Треба ли да се загрижиме утрото по ноќното излегување кога сме испиле повеќе алкохол?

Сите понекогаш пиеме по некоја чашка алкохол, но добро е да се знае колку му е потребно на црниот дроб да исчисти од него. Колку долго алкохолот останува во нашиот систем? Треба ли да се загрижиме утрото по ноќното излегување кога сме испиле повеќе алкохол?

Познато е дека зависно од тоа колку пиете, алкохолот му штети на црниот дроб, но дали знаете колку голем стрес доживува овој орган и неколку часа по журкањето.

“Кога алкохолот се наоѓа во крвта, тој минува низ црниот дроб кој ја чисти. Просечна личност може да преработи половина пијалок секој лас“, објаснува Џорџ Коб, директор на Националниот институт за злоупотреба на алкохол и алкохолизам во САД.

Главната работа на црниот дроб е филтрирање на крвта која тече од дигестивниот тракт во остатокот од телото. Во процесот на чистење, црниот дроб ги чисти токсините. Голем внес на алкохол во организмот, може да го замасти црниот дроб и да предизвика лузни кои така го органичуваат протокот на крв. Долгорочно, тоа може да предизвика стопирање на функцијата на црниот дроб.  Кај секое лице тоа е индивидуално, но општо, објаснува проф. Коб тоа зависи од тежината, но и секое тело поинаку реагира на алкохол.

“Алкохолот може да се открие до шест часа во крвта, околу 12 до 24 во здивот, урината и плунката, а дури 90 дена во косата’, објаснува Коб.