Борбата против настинката може да биде исцрпувачка: симптомите како воспаление на грлото, кашлица, запушен нос и кивање може да ви ја одземат целата енергија. Понекогаш и барањето ново, чисто марамче за нос може да се чини како поприлично тешка задача, па затоа често на сите ни се случува да посегнеме по веќе користено.
А дилемата е дали повторното користење на исто марамче може дополнително да му наштети на вашето здравје? За среќа, нема потреба за грижа.
„Некои вируси на различни површини можат да преживеат подолго од седум дена, а користењето на стари марамчиња го носи истиот ризик, како и допирањето на тие површини“, вели семејната лекарка Мија Финкелстон за The Healthy.
Иако звучи застрашувачки, способноста на тие вируси да предизвикуваат нова инфекција брзо се намалува, а бактериите често не преживуваат подолго од 24 часа. Со други зборови, заразноста на вирусите кои опстанале на искористените марамчиња со текот на времето опаѓа, па и се намалуваат шансите да бидат доволно силни и да предизвикаат инфекција.
