Истражувањето на Универзитетот Калифорнија во Сан Франциско покажало дека осаменоста има огромно влијание врз постарите луѓе. Студијата вклучила 1 600 возрасни лица, чиј просек на години изнесувал 71, па се покажало дека кај оние кои биле поосамени имало и повисока стапка на смртност и покрај здравствениот и социоекономскиот статус.
Потребата за луѓе кои не радуваат и не ценат никогаш не исчезнува. На сите ни треба дружење и топла прегратка
Речиси 23 проценти од осамените луѓе починале во рок од шест години по истражувањето, за разлика од 14 проценти од оние кои имале друштво или партнер со кој секојдневно се дружеле.
„Потребата за луѓе кои не радуваат и не ценат никогаш не исчезнува. На сите ни треба дружење и топла прегратка. Постарите луѓе се и многу потолерантни кога станува збор за несовршеностите на нивните пријатели и членови на семејството. Имено, поради богатото искуство, тие знаат за што се исплати да се расправаат, а за што не“, велат експертите.
Важно е да се охрабруваат постарите луѓе меѓусебно да се дружат, но, исто така, подеднакво е важно и редовно да ги каните дома на семејните собири. Дружењето со родителите, бабите и дедовците им помага не само ним, туку вам.
Во денешно време, благодарение на интернет апликациите како што се Скајп или Вибер, постарите и помалку мобилни луѓе можат почесто да комуницираат со членовите на семејството и пријателите.
