Колку време вежбате дневно? Научниците велат доволни се 13 минути

Учесниците во првата група (13-минутен тренинг) профитирале подеднакво како и учесниците во втората група (40 минути тренинг) и третата група (70 минутен тренинг). Единствената разлика била во тоа што мускулната маса се зголемила повеќе кај оние кои тренирале подолго

Колку долго трае вашиот тренинг?

Колку подолго трае тренингот, толку подобро ќе се потрошат калориите, ќе станете пофит и ќе го изгубите вишокот на килограми. Но, дали е навистина така? Не, доколку им веруваме на резултатите од истражувањето, кое е објавено во списанието „Medicine & Science in Sports & Exercise“.

Испитаниците биле поделени во три групи. Сите работеле идентични седум вежби, кои се состоеле од различни тренинзи. Планот за тренинг бил следен: тренирање три пати неделно во период од осум недели.

Разлика: едната група еднаш ги повторувала вежбите, втората група правела вкупно три повторувања на секоја вежба, а третата група ја повторувала секоја вежба пет пати. На групата што еднаш ги правела вежбите и требале 13 минути, а групата со пет повторувања тренирала полни 70 минути.

На крајот на осумнеделниот тренинг резултатите биле неверојатни

Учесниците во првата група (13-минутен тренинг) профитирале подеднакво како и учесниците во втората група (40 минути тренинг) и третата група (70 минутен тренинг). Единствената разлика била во тоа што мускулната маса се зголемила повеќе кај оние кои тренирале подолго. Општата форма и издржливост се развиле подеднакво кај сите учесници.

ЗАКЛУЧОК: Ако вашата цел е да изградите мускули, тогаш дефинитивно треба да тренирате повеќе од 13 минути. Меѓутоа, ако сакате да ја подобрите телесната форма, тогаш е доволно и 13 минути вежбање – ако тренирате редовно.