Лицата кои редовно конусмираат поголеми количини на засладени напитоци изложени се на поголем ризик од развој на бубрежна болест, укажува нова студија спороведена во САД, а објавена минатата недела во Clinical Journal of the American Society of Nephrology. Истражувањето во кое учествувале 3.000 испитаници покажало дека консумирањето засладени напитоци го зголемува ризикот од хронична бубрежна болест (слабост) за 61%.
Се смета дека резултатите од оваа студија може да имаат импликации по јавното здравство. Иако во некои градови во САД беа зголемени даноците за засладените пијалаци, нивната потрошувачка, според анализите и натаму е преголема.
