Скопје, 31 март, 2020 – Вчера девет пациенти кои беа хоспитализирани на Клиниката за инфективни болести и фебрилни состојби во Скопје, се излекувани од коронавирусот и се пуштени на домашно лекување.Во оваа болница вчера беа примени нови осум пациенти, со кои вкупниот број на заболени од КОВИД-19 кои се лекуваат во оваа институција изнесува 47. Останатите 18 пациенти се на домашно лекување.
Со новопотврдените 26 случаи со КОВИД-19, во моментов во земјава се регистрирани вкупно 285 лица позитивни на SARS-CoV2.
Најголем дел од новорегистрираните случаи се на возраст над 60 години и пријавени се по 13 женски и машки лица. Кај осум лица е регистрирано присуство на коморбидитети. Од 26. новозаразени, 17 имале контакт со веќе потврден случај на КОВИД-19 во земјава, а 3 лица имаат историја на неодамнешно патување (во последни 14 дена).
Истовремено, вчера е регистриран и еден смртен случај од КОВИД-19. Се работи за пациент на 79 годишна возраст од Дебар, кај кого симптомите започнале на 22 овој месец, три дена подоцна бил згрижен на Инфективната клиника. Пациернтот имал конаткт со веќе потврден случај на коронавирус.
По анализата, неколку приватни лаборатории во земјава ќе бидат вклучени со договор со Фондот за здравство во процесот на тестирање на сомнителни пациенти на коронавирус.
“Во Институтот за физикална медицина и рехабилитација се тестирани 46 вработени и 6 пациенти. Позитивни на коронавирус се 8 медицински лица и двајца пациенти. Сите пациенти од оваа институција се упатуваат во ГОБ „8 Септември“, истакна министерот за здравство Венко Филипче.
Најголем број од пријавените лице во текот на последните 24 часа се со место на живеење во Скопје.
- ПРЕГЛЕД
| Град | Број на заболени |
| Крива Паланка | 1 |
| Прилеп | 1 |
| Тетово | 1 |
| Дебар | 1 |
| Куманово | 3 |
| Скопје | 19 |
