Скопје, 1 април, 2020 – Завчерашниот ден е регистриран како ден со највисок број на пријавени случаи на дневно ниво со КОВИД-19. Пријавени се вкупно 44 нови случаи на од 7 градови, а најголем број од пријавените лице се со место на живеење во Куманово.
| Град | Број на заболени |
| Штип | 1 |
| Прилеп | 1 |
| Тетово | 2 |
| Струга | 2 |
| Битола | 3 |
| Скопје | 12 |
| Куманово | 23 |
13 пациенти се на возраст над 60 години, и пријавени се 28 женски и 16 машки лица. Кај 11 лица е регистрирано присуство на коморбидитети.
Хоспитализирани се 13 лица, а останатите се на домашно лекување. Нема нови испишани оздравени лица по добиени два негативни теста за присуство на SARS-CoV2.
Вкупно 24 лица имале контакт со веќе потврден случај на КОВИД-19 во државата, а 7 лица имаат историја на неодамнешно патување (во последни 14 дена).
Тестирани се вкупно 392 материјали во лабораторијата за вирусологија и молекуларна дијагностика при ИЈЗ и во приватните лаборатории. Позитивни се 44 или 11,2% од тестираните.
Регистрирани се два смртни случаи од КОВИД-19. Се работи за пациент на 46 и 78 години, од Куманово и Дебар. Кај починатиот од Дебар симптомите започнале на 23. минатиот месец, четири дена подоцна бил хоспитализиран на Инфективната клиника и тој имал контакт со веќе потврден случај заразено лице со коронавирус. Кај починатиот од Куманово симптомите на 25 март, пет дена подоцна бил згрижен на Инфективна, но истиот ден и починал. Кај двете починати лица, присутни се коморбидитети.
Заклучно со 30.03.2020, пријавени се вкупно 329 случаи на КОВИД-19 во земјава.
Регистрирани се 35 случаи на заболување меѓу здравствени работници. Од овој број, 26 се заболени во болнички/ амбулантски услови.
