КОРОНАВИРУС (2019-nCov): Дневно инфо

Лицата со дијабетес, кои примаат инсулинска терапија, од денес ќе можат телефонски кај својот лекар да го продолжат својот рецепт, без да одат кај лекар специјалист,  и на тој начин директно да си ја подигнат терапијата од инсулинска аптека.

Скопје, 24 март, 2020 – Секое лице со или без симптоми може да се јави кај својот матичен лекар на кого ќе му ги каже своите симптоми по епидемиолошка анкета. Согласно дадените  податоци, матичниот лекар согласно постоечкиот електронски алгоритам, ќе укаже на тоа дали е потребно тестирање или не. Истовремено, тој ќе го процени и степенот на итност за тестирање.

“Веќе се во функција 14. центри за тестирање на територијата на целата земја, за земање на брисевите. Со тоа преку системот Мој термин ќе се закаже соодветно време во кое што ќе биде земен брисот, во еден од 14-те пунктови ширум државата, како и во двата пункта во Скопје – поликлиникте Јане Сандански и Ченто“, информираше министерот за здравство Венко Филипче.

  • Лицата со дијабетес, кои примаат инсулинска терапија, од денес ќе можат телефонски кај својот лекар да го продолжат својот рецепт, без да одат кај лекар специјалист,  и на тој начин директно да си ја подигнат терапијата од инсулинска аптека.

Во текот на изминатите 24 часа, според ресорниот министер, дијагностицирани се 22 нови пациенти со коронавирус, со што вкупната бројка во моментов изнесува 136 лица. Бројката на смртни случаи, по заразата со новиот коронавирус изнесува 2. Вториот починат пациент е 63 годишно лице од Дебар, кому на Клиниката за инфективни болести и фебрилни состојби нагло му се влошила клиничката состојба. Тој бил хоспитализиран на Клиниката на 17 март без покачена температура, со наод на белите дробови.

Секое лице со или без симптоми може да се јави кај својот матичен лекар на кого ќе му ги каже своите симптоми по епидемиолошка анкета.
  • Од новите 22 случаи на коронавирус во нашата земја, 15 лица се од Скопје, 4 лица од Дебар, 2 од Куманово и 1 лице од Охрид.
  • Според местото на живеење досега случаи на коронавирус се регистрирани: во Скопје 81, Дебар 40 од кои едно е починато, Штип 7, Куманово 3 од кои едно е починато, Кавадарци 2 случаи, Охрид 2 случаи и Гостивар 1 случај.

На Инфективната клиника вчера беа направени и шест контролни брисеви на пациенти кои се веќе хоспитализирани, од кои тројца пациенти се во потешка состојба, еден во средно тешка, и двајца пациенти се со лесна клиничка слика. Испитувањата се прават согласно времето кога се примени на Клиниката, кога се тестирани и со оваа анализа ќе се покаже дали се уште се носители на вирусот, без разлика на формата и клиничката состојба.

“Кај сите лица во врска со Клиниката за кожни болести веќе е поминат периодот на инкубација од 14 дена и во моментот се прави распоред и план сите тие да се тестираат во претстојните денови, со цел да се вратат на работното место“, потенцираше министерот Филипче.