КОРОНАВИРУС- БИДЕТЕ ПОДГОТВЕНИ: Препознајте кои се најновите симптоми на КОВИД-19

Пандемијата со коронавирусот, која предизвика најголема здравствена криза во поновата историја, се уште беснее низ светот, а најновата варијанта омикрон, исклучително заразна, носи низа бројни непознаници кои се однесуваат на имунитетот стекнат со прележување на болеста, но и заштитата со постоечките вакцини.

Од март 2020 година, кога е прогласена пандемија поради коронавирусот кој ја покажа својата непредвидливост и прилагодливост создавајќи различни соеви, во последно време научните најмногу сги загрижува омикрон, брзоширечка варијанта која почна од југот на Африка.

И додека пандемијата се уште трае, продолжуваме во од да учиме за жилавиот вирус кој само во САД одзеде 794.000 животи, а во земјава над 7.900 лица го загубија животот. Но, без оглед на сите сомнежи, едно е сигурно: на секого, вирусот поинаку делува, па некои го пречекоруваат додека за други претставува сериозна здравствена закана која може да предизвика и смрт.

Постојат неколку вообичаени знаци кои укажуваат на тоа дека имате КОВИД-19, а според д-р Џастин Џонсон, ‘симптомите вклучуваат кашлица, висока температура, отежнато дишење и во помала мера губење на асетилото за мирис и вкус, како и замор’. Студијата ZOE Covid, воедно и најдолгото истражување за КОВИД-19 во светот која ја води проф. Тим Спектор од познатио Кралски колеџ во Лондон, наведува уште неколку симптоми кои треба навреме да се препознаат.

ГЛАВОБОЛКА

Иако главоболките се помалку познат симптом на КОВИД-19, тие се еден од најраните знаци на болеста и почести од вообичаените симптоми како кашлица, температура и губење на мирис (аносмија). Важно е да се запомни дека главоболките се многу чести, особено затоа што многумина од нас работат на компјутер секој ден. Иако многу луѓе доживуваат напад на главоболка, повеќето од нив немаат КОВИД-19. Истражувачите анализираат како да се направи разлика помеѓу главоболка во случај на КОВИД и ‘обична’ болест. Тие откриле дека главоболките предизвикани од КОВИД-19 најчесто се вакви:

  • Умерени до многу болни
  • Се чувствува болка опишана како „пулсирање“, „притискање“ или „прободување“
  • Се јавуваат на двете страни на главата (билатерално), а не во еден дел
  • Траат повеќе од три дена
  • Отпорни се на редовните лекови против болки

Не е познато зошто КОВИД-19 предизвикува главоболки. Можеби поради вирусот кој директно влијае на мозокот? Или тоа може да се должи на дехидрација или глад предизвикана од губење на апетитот.

ТЕЧЕЊЕ НА НОС

Студијата ZOE Covid наведува: “За време на неодамнешниот зимски бран, забележавме дека течење на носот, по главоболката, е вториот најчесто пријавен симптом. Речиси 60 отсто од лицата кои биле позитивни на КОВИД-19, заедно со губењето на мирис, пријавиле течење на носот. Иако можеме да кажеме дека многу заболени имаат течење на носот, потешко е да се каже дека течење на носот е дефинитивен симптом на КОВИД-19 бидејќи тоа е чест проблем во текот на постудениот дел од годината.

КИВАЊЕ

Според студијата ZOE Covid кивањето е почеста кај вакцинирани пациенти. “Податоците сугерираат дека кивањето може да биде знак на КОВИД-19 повеќе од вообичаено, но само кај лицата кои се вакцинирани… Кивањето инаку не е симптом на КОВИД-19, а многу е поверојатно да биде знак за обична настинка или алергија. Иако многу лица заболени од КОВИД-19 може да киваат, тоа не е толку сигурен симптом бидејќи кивањето е често, особено во потоплите месеци, период во кој многумина страдаат од алергии на полен.

БОЛКА ВО ГРЛОТО

Иако болката во грлото е помалку познат симптом на КОВИД-19, тоа е ран знак на болеста и е доста чест кај деца и возрасни до 65 години, се наведува во студијата ZOE Covid. “Луѓето кои ја користат апликацијата пријавиле дека имаат воспаление на грлото, слично на она што може да го искусите при настинка или ларингитис. Болестите на грлото поврзани со КОВИД обично се релативно благи и не траат подолго од пет дена. Многу болно грло, кое трае повеќе од пет дена, може да биде нешто друго, како што е бактериска инфекција, па не двоумете се да го контактирате вашиот општ лекар ако проблемот потрае. Важно е да се напомене дека болките во грлото често се предизвикани од многу респираторни заболувања како што е обичната настинка. Така, иако многу лица заболени од КОВИД-19 имаат воспаление на грлото, тоа не значи дека сте заразиле со коронавирус.

ПОКАЧЕНА ТЕЛЕСНА ТЕМПЕРАТУРА

Треската, односно покачената телесна температура е чест симптом на вирусот, според студијата ZOE Covid. Апликацијата открила дека околу четири од десет лица кои пријавуваат симптоми на КОВИД-19 имаат висока температура (треска). Но, тоа не е нужно лоша работа – тоа е одговор на инфекцијата бидејќи покачувањето на телесната температура му помага на нашиот имунолошки систем да се бори против неа.

Ако сте помлади од 65 години, температура над 37,8 веројатно ќе биде знак за КОВИД-19. Ако сте над 65 години или сте многу слаби, вашата нормална телесна температура веројатно ќе биде пониска, па вредностите над 37,4 треба да се сметаат за можен симптом.

УПОРНА КАШЛИЦА

Податоците од ZOE Covid студијата го наведуваат следново: “Упорната кашлица е позната и како еден од трите класични симптоми на КОВИД-19, со температура и аносмија, иако само четири од десет заболени страдаат од неа. Во овој контекст тоа значи да кашлате многу пати во текот на демот, затоа бидете внимателни. Во случај на КОВИД се работи за сува (непродуктивна) кашлица. Но, ако имате КОВИД-19 и почнете да искашлувате жолта или зелена слуз, тогаш тоа може да биде знак за дополнителна бактериска инфекција во белите дробови и мора да се лекувате. Кашлицата е главниот начин на ширење на коронавирусот, па доколку се сомневате дека сте заболени од ковид, треба да се тестирате и да се изолирате.