Коронавирусот кај некои пациенти може да доведе и до интензивно опаѓање на косата

Кога телото минува низ шок или некое трауматско случување, тоа може да резултира со интензивно опаѓање на косата.

Неодамна истражувачите објавија дека еден од симптомите на новиот коронавирус е интензивно опаѓање на косата, а ги погаѓа и мажите и жените во еднаков број, а се јавува по стрес, шок или трауматично искуство.

Голем број пациенти, односно 64 проценти од нив, го пријавиле овој симптом за време на боледувањето на КОВИД-19, но и подоцна, откако се опоравиле од болеста.

Сепак, лекарите потенцираат дека интензивното опаѓање на косата може да се појави и поради многу други причини, а еве кои се тие.

  • Лоша исхрана

Косата, потенцираат лекарите може да почне интензивно да паѓа и ако организмот не добива доволно нутриенти. Недоволна количина на железо, протеини и витамин Д кои се добиваат од исхраната може сериозно да влијаат на губењето на косата.

  • Инфекција

Бројни инфекции како фоликулитис, себореичен дерматитис или лишаи може да предивикаат нагласено опаѓање на косата и нејзинот проретчување.

  • Алопеција

Алопеција ареата е изненадно губење на коса или влакна. Се смета за автоимуно заболување во која сопствениот имун систем од засега непознати причини ги напаѓа фолкулите на вланото во кожата и доаѓа до опаѓање на косата.

Причина може да бидат и некои други автоимуни заболувања како лупус, артритис, Хашимото синдром и Кронова болест.
  • Лекови

Одредени лекови може да предизвикаат опаѓање на косата. Ова може да е и времен проблем, кој се повлекува откако организмот ќе се адаптира на лековите.