Иако ситуацијата и натаму е небезбедна, повеќето од нас голем дел од времето го минува надвор од домот. Што да направите ако морате итно да одите во тоалет, а се наоѓате во центарот на градот? Дали е безбедно да се користат? Реална е ситуацијата дека физичко растојание е тешко да се одржи во така мал простор.
Нова студија, објавена пред 10-тина дена открила потенцијални опасности кои се кријат во јавните тоалети. Во неа е наведено дека со пуштањето вода може да се создаде облак од аеросолни капки кои може да се распраскаат и до еден метар во висина. Дополнителен проблем е што во воздухот може да се задржат доволно долго да следното лице кое ќе влезе во тоалетот, може да ги вдиши. Секако, ако капките содржат честички на новиот коронавирус, ризикот од зараза се зголемува.
До овие податоци научниците дошле преку комјутерска симулација – пуштање вода во веце школка, и тврдат дека само со едно пуштање вода во воздухот се отпуштаат од 40 до 50 проценти на аеросолни капки.
Иако овој вирус веројатно ќе се “закачи“ на клетките на белите дробови и горниот респираторен систем, може да дојде и до цревата и да предизвика пролив, мачнина заедно со останатите познати симптоми на зараза со коронавирусот.
Истражувањата до денес дале докази за генетскиот материјал на КОВИД-19 болеста во фекалиите, но потребни се уште истражувања за да се потврди дали вирусот може да се пренесе и на овој начин.
“Нема пријавени случаи на пренос на коронавирусот поради пуштање вода во тоалет. Постои еден извештај од Хонг Конг за цевки кои пропуштаат во тоалетите и кои се можна рута за пренос на вирусот од друго лице. Затоа сметам дека една од добрите мерки на заштита на други лица е спуштање на тоалетната даска по извршување на нужда“, истакнува експертот за болести од Универзитетот Мериленд, проф. Амеш Адаља.
Стручњакот за јавно здравје, професорката Керол Винер смета дака ако немате алтернатива, едноставно мора да користите јавен тоалет, но додава дека поголема опасност претставуваат рачките на вратите, лифтовите или рамните површини на кои вирусот може да се задржи неколку дена. Затоа, е важно рацете да се мијат по секое допирање на слични површини.
