Пациентите во повозрасни години со мозочен удар кои имале КОВИД-19 имаат поголема веројатност да развијат опасни крвни згрутчувања во вените, отколку пациенти кои немале КОВИД-19, укажува нова студија објавена на American Heart Association News.
Крвните згрутчувања се создаваат во вените, состојба која се нарекува венска тромбоемболија се честа компликација по мозочен удар. Згрутчувањата се формираат во ногата или на некое други место, потоа може да се ослободат и да го блокираат дотокот на крв во белите дробови, често предизвикувајќи смртоносна белодробна емболија.
Инаку, неколку претходни студии сугерираа дека SARS-CoV-2 вирусот што предизвикува КОВИД-19, може да го зголеми ризикот од венска тромбоемболија меѓу лицата хоспитализирани поради КОВИД-19.
Со оглед дека се знае дека КОВИД-19 и исхемискиот мозочен удар го зголемуваат ризикот од венска тромбоемболија, идејата дека нивната комбинација дополнително го зголемува ризикот од венска тромбоемболија има смисла од клиничка перспектива, истакнуваат стручњаците.
Се смета дека пациентите со мозочен удар кои имале КОВИД-19, треба внимателно да се следат поради потенцијална венска тромбоемболија.
