Комарците не се само досадни инсекти, чии убоди на кожата предизвикуваат непријатно чешање, туку, исто така, се преносители на сериозни, па дури и смртоносни болести како што се маларијата, вирусот Западен Нил, Зика вирус, денга треска …
Комарците ги привлекува јаглеродниот диоксид што го издишуваме, па затоа најчесто се задржуваат на пределот на главата. За среќа, постојат растенија, чиј мирис ги одбива, а некои од нив може да ги засадите во својот двор, на балконот или на прозорецот.
Лаванда
Пријатниот мирис на лавандата, за комарците е исклучително одбивен. Лавандата, исто така, има антигабични и антисептички својства. Можете да ја засадите во градината или во тегли сместени покрај вратата и прозорецот. За уште подобра заштита од комарци, протријте ги цветовите на лавандата за да ги ослободите нејзините масла.
Рузмарин
Ароматичниот рузмарин главно се користи за збогатување на вкусот на јадењата, но и како заштита од комарци и молци. Ако правите забава на отворено, на пример, со скара, вметнете гранчиња рузмарин во огнот. Чадот успешно ќе ги избрка комарците!
Пеларгонија
Оваа атрактивна декоративна билка спречува инвазија на комарци, но и на други штетници. Пеларгонијата сака топлина и сонце, но, исто така, може да расте и во сенка.
Невен
Цветот на невен лачи тиофен, соединение кое ги одбива инсектите. Освен комарците, невенот ефикасно ги одбива и другите напасници.
