Заразата со коронавирус не треба да се сфаќа левтерно, велат виролозите. “Навистина сакате вашето тело да се опорави? Дајте си што повеќе време за опоравување за да се опоравите што е можно повеќе“, вели кардиологот Сузан Ченг.
Сепак, експертите предупредуваат што никако не смеете да правите ако имате КОВИД.
Не работете од дома
Ако сте болни од КОВИД-19, не работете од дома. Да, да останете дома е подобро отколку да излезете надвор и да заразувате други луѓе, но недоволното одморање може да го направи вашето закрепнување многу подолго. Земете си време за одмор и фокусирајте се на тоа да ви виде подобро, велат лекарите. “Спиењето е еднакво на имунитет. Не сакате да го попречувате вашиот имун систем со ништо друго“, вели д-р Ченг.
Сон и имунолошко здравје
Сонот е клучен за имунолошкото здравје и закрепнување, велат експертите. “При секоја акутна инфекција – особено кај КОВИД – одморот е важен. Доволното спиење му дава на имуниот систем квалитетно да се балансира“, вели д-р Кејтлин Мекајли, која работи во Клиника за опоравување од КОВИД.
“Често не сакаме да си го признаеме фактот дека кога сме болни, не функционираме добро ниту ментално. Затоа, би било пожелно да си дадете барем три до пет дена одмор“, вели докторката.
Не го потценувајте вирусот
Дури и ако вашата инфекција со коронавирус е блага, обрнете внимание на тоа како навистина се чувствувате.
“Луѓето можат да бидат добро 10 до 12 дена, а потоа одеднаш да се разболат“, вели епидемиологот Тимоти Бру. “Само затоа што ви било добро во првата недела, не значи дека ќе ви биде подобро втората или третата недела. Вашето тело е прилично добро во порачувањето што навистина ви треба. Затоа, ако се чувствувате уморно и болно, веројатно вашето тело ви вели ‘врати се во кревет’“.
Работата од дома го отежнува одморот
Работењето од дома стана стандард за голем број луѓе од почетокот на пандемијата, но тенката линија помеѓу работата и приватниот живот дома може да го отежне одморот. “Вашата работа треба да биде флексибилна, но во тоа и е проблемот – не контролирате секогаш кога ќе работите“, вели професорката од Универзитетот Санта Барбара, Ајлин Борис.
