Кардиолозите ги предупредуваат граѓаните на бројни опасноти од високите температури за кардиоваскуларните пациенти, но и за здравото наеление и апелираат да погледнат едукациски видеа за оживување кои ми можеле некому да спасат живот, ако во близина нема едуциран персонал.
Високите температури ја зголемуваат опасноста по здравјето – крвните садови се шират и крвниот притисок се менува, што може да предизвика слабост и несвестица. Потењето може да доведе до исцрпеност и топлотни грчеви, а дехидрација до згрутчување на крвта или тромбоза.
Прекумерното изложување на сонце може да предизвика топлотен удар кога покрај многу црвена и топла кожа, се јавува главоболка, забрзано чукање на срцето, забрзано дишење, висока телесна температура и гадење, што е многу опасна состојба дури и за здрави луѓе.
Исто така, опасни се и наглите промени на температурата, па при нагло влегување во студено море, езеро или река, може да дојде до нагло стеснување на крвните садови на срцето, што може да предизвика миокарден инфаркт и да доведе до срцев застој.
Д-р Давор Миличиќ, кардиолог предупредува дека дури 80 проценти од изненадните срцеви застои се случуваат надвор од болница, а со оглед дека секоја секунда е важна, потребно е што повеќе граѓани да поминат низ едукација за оживување (реанимација).
Срцевиот застој е состојба во која срцето престанува да пумпа крв, поради што телото останува без обезбедување со кислород и хранливи материи и за неколку минути човекот умира.
“Единствената постапка што може да го спречи тоа е брзо повикување на медицинска помош и да започнување реанимација. Раната реанимација и неодложна дефибрилација, во рок од 1-2 минути, се покажа како ефикасна мерка со висок процент на преживување на загрозените лица, објаснува д-р Миличиќ.
Д-р Ивана Портолан Пајиќ истакнува дека ризикот по здравјето предизвикан од екстремните горештини може да се намали, така што граѓаните да не се изложуваат на жештина во периодот од 11 до 17 часот, да пијат доволно вода, да избегнуваат алкохол, кофеин и физички напор, да се советуваат со лекат околу терапијата со лекови, да консумираат лесна храна и задолжително да користат заштитен фактор, покривка за глава и лесна, проѕирна облека.
