ЛЕКАРИТЕ ОТКРИВААТ: Што е “леплив“ холестерол и зошто е опасен за лицата со покачен крвен притисок

Што откриваат новите истражувања?

До денес научивме дека ЛДЛ или “лошиот“ холестерол и крвниот притисок не се добар пар, но новите истражувања покажуваат дека посебен тип на ЛДЛ холестерол може да го зголеми ризикот од инфаркт или мозочен удар кај лица кои веќе имаат проблеми со висок притисок. Високите нивоа на липопротеин (ЛП(а)) – што е всушност “леплив“ холестерол, посебно загрижува кај пациентите кои се борат со хипертензија.

“Дојдовме до сознанија дека постои голем кардиолошки ризик кај оваа популација, а се чини поради хипертензијата“, наведува главниот автор на студијата д-р Риши Рики, кардиолог. Тој додава дека лицата со хипертензија имаат зголемен ризик ако се зголемени нивоата на тој тип на липопротеин. Лицата кои имаат зголемено ниво и немаат проблеми со висок притисок, не се во ризична група, но липопротеинот(а) во комбинација со хипертензија, се чини дека го зголемиуваат ризикот.

“Се чини дека липопротеинот(а) и ниското ниво на хипертензија нема да предизвикаат проблеми, но кога се појавува високо ниво на липопротеинот кај висок крвен притисок, тогаш ризикот се зголемува. Фактот дека липопротеинот влијае на односот помеѓу хипертензијата и кардиоваскуларните болести е многу интересен и дава важни интеракции кај хипертензијата, липопротеините и кардиоваскуларните заболувања“, објаснува д-р Рики и додава дека секако се потребни повеќе истражувања за да се потврди поврзаноста.

Се работи за ЛДЛ варијанта на липопротеинот кој е направен од протеини и масти кои го носат холестеролот до артериите.

“Тој протеин создава и честички кои ќе ги оштетат ѕидовите на артериите повеќе од “обичниот“ ЛДЛ“, наведува кардиологот д-р Дона Полк.

Лицата кај кои нивото на овој липопротеин е покачено, може да имаат проблеми со таложење на маснотии на артериите, а постои и поголем ризик од развој на периферни болести на артериите, аортна стеноза, но се споменува и поголем ризик од појава на инфаркт. Липопротеинот(а) е исто така прашање на генетика и може да предизвика проблеми дури и кај здрава личност. Здравиот начин на живот и усвојувањето нови здрави навики секако може да го намалат ризикот, но и да помогнат да го намалите нивото на холестерол.

НАМАЛЕТЕ ГО ПРЕКУ ИСХРАНА

Се чини дека здравата исхрана како што е медитеранската покажува добри резултати, а всушност се смета за здрав план за исхрана.Таа е богата со маслиново масло, риба, тестенини, домати, овошје, зеленчук, цели зрна, мешунки и јаткасти плодови. Здравите масти кои ги нуди се важен дел од оваа диета, маслиновото масло е главната состојка, а истражувањата покажале дека обезбедува незаситени масти кои можат да влијаат на намалувањето на холестеролот, особено на „лошиот“.

КОНТРОЛИРАЈТЕ ГО ХОЛЕСТЕРОЛОТ НИЗ АКТИВНОСТИ

Кардиологот д-р Ерик Стал вели: „Секој кој има висок холестерол треба да работи за да го намали преку вежбање, зголемена физичка активност и губење на тежината. Американското здружение за срце советува најмалку 150 минути умерена активност неделно или најмалку 75 минути интензивни активности во текот на неделата како што се аеробни вежби.Кога овие мерки не се доволни потребно е да се спроведе контрола со лекови препишани од лекар“.

ПРОТИВ ОДГОВОР НА СТРЕСОТ

Влијанието на стресот врз срцето е силно, а доколку нешто не се преземе со него може да предизвика разни проблеми, а еден од нив е „синдром на скршено срце“. “Важно е да се грижите за целокупното здравје, но и за себе. Често забораваме како стресот може негативно да влијае на здравјето на срцето”, вели кардиологот д-р Лесли Чо.