ЛЕКАРИТЕ ПРЕДУПРЕДУВААТ: Со овие секојдневни навики му штетите на својот имунитет

За превенција од болести и правилно функционирање на имунитетот, секој човек би требал да води сметка на секојдневна основа – водејќи здрав начин на живот.

Одржување нормална телесна тежина, урамнотежена и квалитетна исхрана, доволен внес на течности, физичка активност, сон, релаксација и медитација… сето тоа ни помага организмот да го доведеме во бланас и да му помогнеме да се бори против инфекции, хронични болести итн.  Значи, насоките за исхрана за борба против инфекции и адекватно  функционирање на имунитетот не се разликуваат значително од оние за општата правилна исхрана.

Еве што советува д-р Риту Салуја-Шарма, семеен лекар, што веднаш би требало да престанете да правите ако сакате да бидете здрави и оваа пролет.

НЕДОВОЛНО СПИЕЊЕ

Сонот е исклучително важен и кога е во прашање имунитетот, сепак многубројни се оние кои денес страдаат од несоница. Се чини дека 1 од 3 лица спијат помалку од 7 часа во текот на ноќта. Недостатокот на сон не само што ќе ви оневозможи да се борите против инфекции и ќе ви го забави опоравувањето, туку постојат и докази дека недоволната количина на сон може да влијае на појава на болести на срцето и дијабетес тип 2. Ако имате проблеми со спиењетом побарајте помош од стручно чице, а за почеток следете ги упатствата од лекарите: не јадете пред спиење, изгасете ги сите светла и апарати 30-тина минути пред легнување и добро проветрете ја собата каде спиете.

НЕ ЈАДЕТЕ ДОВОЛНО НУТРИЕНТИ

Микронутриентите се неопходни за правилно функционирање на телото, а доколку не се дел од вашата исхрана, телото потешко ќе се бори против инфекциите. Најдобар начин да внесете доволно хранливи материи е да јадете 5 оброци дневно кои содржат овошје и зеленчук, кои на телото ќе му дадат доволно витамини, минерали и фитонутриенти, како и антиоксиданти. Ваквата исхрана ќе значи и доволен внес на влакна, кои нудат неколку здравствени придобивки и ја поддржуваат цревната микробиота, која е тесно поврзана со имунитетот.

ПОВЕЌЕ СЕДИТЕ ОТКОЛКУ ШТО СЕ ДВИЖИТЕ

Колку помалку сте активни, толку повеќе здравствени проблеми може да очекувате. Не само што седечкиот начин на живот ќе придонесе за чести воспаленија, зголемување на телесната тежина и развој на хронични болести, туку и ќе ја отежне борбата на телото со инфекциите. Спротивно на тоа, редовната физичка активност носи многу придобивки и за менталното и за физичкото здравје и се верува дека го зајакнува имуниот систем. Идеално би било да вежбате најмалку 5 дена во неделата, од 30 до 60 минути. Ако не сакате да одите во теретана, секогаш можете да се прошетате, а бидејќи времето е убаво, немате оправдување зошто би ја прескокнале оваа навика.

ПИЕТЕ ПРЕМНОГУ АЛКОХОЛ

Чаша вино дневно не е опасен потег, но претераното уживање во алкохол може да влијае на имунитетот. Истражувањата покажуваат дека долготрајната прекумерна употреба на алкохол е особено опасна бидејќи го ослабува имуниот систем и на тој начин ве става на ризик од болести како што е пневмонија, што дополнително може да влијае зарази со вируси.  Дополнително, се споменува и ризикот од сепса и побавно закрепнување од инфекции.

МУ СЕ ПРЕПУШТАТЕ НА СТРЕСОТ

Стресот го зголемува нивото на кортизол во телото, што со текот на времето може да предизвика воспалителни процеси,а тие ќе го исцрпат нашиот имун систем. Стресот може да ја забави работата на клетките кои се борат против вирусите, а со тоа ќе бидеме поподложни на вирусни инфекции. Изберете рутина која ќе ве опушти, како медитација или јога… Доколку се потрудите и најдете начин што ќе ви помогне полесно да се смирите, тоа ќе ви помогне и да го зајакнете имунолошкиот систем.