Лекарите забележуваат нови симптоми на коронавирусот кај млади пациенти кои немаат треска, но се жалат на главоболка и болки во стомакот

Статистичките податоци покажуваат пораст на бројот на случаи на КОВИД-19 кај пациенти во 20-тите и 30-тите, а нивните симптоми често се сосема поинакви од симптомите кои ги покажуваат постарите пациенти.

Пандемијата предизвикана со новиот коронавирус не стивнува. Напротив, спротивно на надежите, таа се повеќе се шири. Само во САД набрзо од 50.000 нови случаи дневно, бројката се искачи на 60.000 и повеќе слуачи на новозаразени секој ден. Тоа се бројки многу поголеми од оние со кои се споменуваат во пикот на пандемијата и укажуваат на тоа дека кривата е далеку од израмнување.

Заболени има се повеќе, а лекарите почнуваат да забележуваат некои нови обрасци на болеста. Како прво, вирусот не стана посмртносен, но пациентите постојано пријавуваат се поинакви, различни симптоми.

Статистичките податоци покажуваат пораст на бројот на случаи на КОВИД-19 кај пациенти во 20-тите и 30-тите.  Нивните симптоми се сосема поинакви од симптомите кои ги покажуваат постарите пациенти. Многу млади лица воопшто не спомнуваат треска, донеодамна еден од најчестите симптоми кај случаевите на КОВИД-19.

“Се повеќе млади бараат медицинска нега и често мораат да бидат примени во болница. Спектарот на симптоми и натаму се шири, па помлади луѓе често доаѓаат без треска, но се жалат на болки во стомакот“, вели д-р Вилијам Шафнер, професор за инфективни болести на Универзитетот Вандербилт.

Останатите симптоми може да вклучуваат мачнина, пролив, губење на сетилото за мирис и за вкус, како и силна главоболка. Покрај болката во стомак, која не е стриктно спомената во листата на симптоми на КОВИД-19 кој го објавува Центарот за превенција и контрола на болести, се споменуваат и сите останати симптоми. Некои, на листата се додадени пред само 2-3 месеци.

Заболени има се повеќе, а лекарите почнуваат да забележуваат некои нови обрасци на болеста.

Центарот така ги набројува “болките во мускулите или во телото“ како потенцијален симптом, а тоа може да вклучува и болки во стомакот. Оваа болка може да биде поврзана и со појава на пролив во разни медицински состојби, а за потврда на дијагнозата се уште е потребен тест за КОВИД-19. Помладите пациенти се жалат и на слаби мигрени.

“Сфативме дека овој вирус може да нанесе голема штета на организмот. Засега се работи за импресии; за да се добие здравствена потврда ќе биде потребно да се објават студии на поголем број помлади болни за да може да се донесе подобар заклучок за преваленцата на овие симптоми“, вели д-р Шафнер.

Оние кои се жалат на симптоми, лекарите засега ги советуваат да се самоизолираат и да почекаат неколку дена пред да се тестираат. Бидејќи, ако тестот се прави прерано, вирусот може да не биде откриен.

Лекарите препорачуваат да се почекаат четири дена од првите симптоми. Да се пијат многу течности, да се земе лек за ублажување на болката и намалување на евентуално зголемената телесна температура, а ако ситуацијата се влоши, да се повика матичниот лекар, КОВИД амбуланта или Брза помош.