Се вели дека најлоша болест на модерното време е онаа дека луѓето повеќе не се срамат од ништо. Сепак, многумина не би се согласиле со ова тврдење затоа што кога маката ќе затропа на врата, спасот се бара во се, па дури и во традиционалните лекови. Лекарите велат дека оние кои исклучиво им веруваат на народните рецепти, се убедени нека нивните баби „медицината“ ја имале во малиот прст. Можеби и не е лошо да се потсетиме на некои од рецептите кои сме ги наследиле од баба, можеби некогаш и ќе се најдат:
Старата формула за симнување висока температура, која ја применуваат сите кои имаат отпор кон лековите, бара изрендан компир и комовица. На болниот на табаните му се става рендан компир и врз тоа се облекуваат чорапи натопени со комова ракија. Оваа облога ја „извлекува“ температурата и мора да се менува на неколку часа.
Кога страдаат белите дробови и бронхиите, тогаш помагаат листовите зелка. На градите се става овој зеленчук и врз него се реди ленена крпа. Во текот на ноќта облогите се менуваат. Магичната зелка, исто така, може да ги отстрани и отоците на колената или зглобовите. Ако се случи човек да го повреди скочниот зглоб и стапалото му набабри, тогаш листовите зелка ефикасно го отстрануваат отокот.
Оние кои се подложни на чиреви на кожата знаат колкава мака е тоа. Болните воспаленија се лекуваат со таканаречена црна маст, а кој не сака да оди во аптека спасот може да го најде и во фрижидерот. Доволно е да се исече резaнка домат и да ја стави на болното место.
За исеченици и гребаници место асептични прашоци, крвавењето може да се запре ни помалку ни повеќе, туку со мелена пиперка. На повредата се става малку од овој зачин и крвта ќе престане да тече.
Рецептот на Клеопатра
Се смета дека корените на традиционалната медицина потекнуваат од Кина, но факт е и дека секоја земја отсекогаш си имала свои методи на лекување. Кинеската традиционална медицина се практикува веќе 2 000 години. Кинезите со тревки и еликсири лекуваат се, од вообичаени настинки до потешки болести. Да не ја заборавиме и Клеопатра, која во времето на древниот Египет имала неколку рецепти за лекување алопеција. Таа тврдела дека болниот треба да земе пет зрна житарки, да ги иситни во аван и да ги нанесе на скалпот.
