Откако сите се опуштивме, од Центарот за контрола и превенција на болести на САД, објавија нови насоки како да се намали ризикот од можна зараза со новиот коронавирус.
Во насоките се наведени овие совети: Мијте ги рацете почесто, практикувајте социјално дистанцирање, носете маска на лице, дезинфицирајте ги површините и останете дома ако сте болни.
- ШТО СОВЕТУВААТ СТРУЧЊАЦИТЕ?
- Доколку организирате дружење, замолете ги гостите да носат своја храна и пијалаци. Ако храната се послужува, тоа смее да го прави само едно лице. Обезбедете им на сите заштитни маски.
- Пред одење во салон за нокти, осигурајте се дека во терминот што ви е закажан, нема да бидат присутни други клиенти. Носете маска.
- Пред да отидете во ресторан, иако е во земјава постојат насоки и задолжителни правила, јавете се за да се осигурате дали вработените носат заштитни маски и дали е обезбедено социјална дистанца.
- Доколку патувате, задолжително во хотелот или апартманите прашајте за грижата околу дезинфицирањето и дистанцирањето. Не користете лифт, туку одите по скали.
Центарот за контрола и превенција на болести нуди и листа на прашања кои треба да си ги поставите ако излегувате од домот:
- Дали вирусот е присутен во мојата заедница, директно опкружување?
- Каде може да се набави храна од локални производители?
- Дали моите планирани активности ќе ме стават во ризична група?
ДА СЕ ПОТСЕТИМЕ И НА СИМПТОМИТЕ НА ИНФЕКЦИЈАТА КОВИД-19:
- Кашлица
- Зголемена телесна температура
- Диспнеја (отежнато дишење)
- Недостаток на воздух
- Нагло губење на осетот за мирис или вкус
- Замор
- Болки во мускулите
- Главоболка
- Болки во грлото
- Пролив
- Мачнина или повраќање
ПРЕДВИДУВАЊАТА ВЕЛАТ ДЕКА 60-70% ОД ЛУЃЕТО ЌЕ БИДАТ ЗАРАЗЕНИ СО НОВИОТ КОРОНАВИРУС
Така барем говорат податоците за САД – дека многу повеќе луѓе ќе бидат заразени со вирусот, пред крајот на пандемијата
“Околу пет проценти од населението во Америка до денес се инфицирани со овој вирус, а тој нема да мирува додека не се заразат 60-70% од луѓето“, наведува д-р Мајкл Остерхолм, директор на центарот за заразни болести на Универзитетот Минесота, и додава дека можеби тогаш новиот коронавирус ќе забави, но тој секако очекува дека за нови случаеви на зараза уште долго ќе се зборува.
