Лицата кои користат јавен превоз и оние на кои работните места им вклучуваат многу контакти, се во помал ризик од повторна инфекција со новиот коронавирус. Причината е таа што тие се во контакт со големи групи луѓе, а болеста ја прележале и имаат антитела.
Во истражувањето биле вклучени податоци за серопозитивни резултати од 24 града, а само едно од четири лица позитивни на серолошкиот тест, можело да се сети на симптомите на болеста. Дури 75 проценти од испитаниците прележале КОВИД-19 без значајни симптоми. Некои пријавиле симптоми како оние кога имаат грип, а некои и не знаеле дека имале коронавирус.
Проверени биле резултати од 10.427 лица од Индија, вклучувајќи и 2.073 лица вработени во здравство, а истите се објавени во списанието MedRxiv.
Откриено е дека 50% од серопозитивните, имале температура, додека 25% изгубиле осет за мирис и вкус. Само 3% имале респираторни проблеми, што барало дополнителен кислород или хоспитализација.
Коментирајќи ги лицата кои користат јавен превоз, научниците истакнале дека меѓу нив имало 16% серопозитивни во однос на 9% меѓу оние кои користат сопствен превоз. Тоа значи дека антителата се 20 проценти почестени меѓу оние кои се возат со трамвај или автобус во однос на сопствените автомобили. Освен тоа, се покажало дека тие се двојно поотпорни на реинфекција.
Во оваа студија, научниците анализирале и како КОВИД-19 влијае на различните крвни групи. Оние со крвна група АБ имале најмногу антитела (10% од испитаниците) што исто така покажува одредена отпорност. Меѓу оние со крвни групи О и А имало 7% позитивни на антитела, додека се покажало дека лицата со крвна група Б, покажуваат 36% поголем ризик од инфекција со коронавирусот.
