Лицата со прекумерна телесна тежина имаат поголем ризик од смрт од КОВИД-19, а и вакцината не е исто ефикасна

Обезноста или дебелината го зголемува ризикот од смрт при болеста КОВИД-19.

Оваа болест е непредвидлива, а кога ќе дојдете во контакт со вирусот, не знаете дали имате сериозни симптоми или само благи. Лица на различни возрасти, но и во добро здравје, за жал починаа од оваа болест. Иако повозрасните лица се во поголема опасност, стручњаците се согласуваат дека само една работа, која целосно е во ваша контрола, може да го зголеми ризикот од смртен исход. Во прашање е прекумерната телесна тежина.

ДЕБЕЛИТЕ ЛИЦА ИМААТ ДВОЈНО ПОГОЛЕМИ ШАНСИ ДЕКА ЌЕ ПОЧИНАТ ОД КОВИД-19

“Дебелината го намалува капацитетот на белите дробови и така е поврзана со послаб имун систем. Лицата кај кои е дијагностициран КОВИД-19, а се со прекумерна телесна тежина, имаат дури два пати поголеми шанси да бидат хоспитализирани и 74 процнети поголеми шанси да завршат на интензивна нега, како и 48 процнети поголема можност за смрт“, се наведува во резултатите од студијата спроведена на Универзитетот Северна Каролина.

Според студијата, научниците велат дека лицата кои имаат прекумерна телесна тежина имаат два пати поголеми шанси да бидат примени на интензивна нега, и четири пати поголеми шанси дека ќе починат од болеста.

ДЕБЕЛИНАТА МОЖЕ ДА ЈА НАМАЛИ И ЕФЕКТИВНОСТА НА ВАКЦИНАТА

Резултатите по анализа на 75 студии велат дека дебелината е поврзана со 48 процентен зголемен ризик од смрт, 113 проценти поголеми шанси за хоспитализација и 74 проценти поголем ризик лицето да се згрижи на оддел за интензивна нега. Научниците предупредија дека дебелината може да ја намали ефикасноста на вакцината против КОВИД-19, оти се знае дека тоа го прави и кога се во прашање други вакцини. Исто така, прекумерната телесна тежина ја зголемува можноста за инфекција за 31, 33 и 57 проценти.

ЗОШТО ОБЕЗНИТЕ ЛИЦА СЕ ВО ВИСОКО РИЗИЧНА ГРУПА?

Се покажало дека дебелината ги зголемува шансите за развој на воспалителни процеси и намалување на имунитетот, а тоа се фактори поврзани со разни болести и поголема стапка на смртност, кога се работи, на пример за воспаление на белите дробови. Покрај ова, тие имаа поголеми шанси дека кај нив ќе се развијат други состојби поврзани со тешка форма на болеста КОВИД-19.

“Иако не постои јасна причина зошто доаѓа до потешки форми на болеста, пациентите со прекумерна телесна тежина се особено чувствителни“, вели д-р Ана Мостагим, автор на студијата.  Таа додава дека тие можеби имаат ризик фактори како дијабетес или хипертензија, а покачениот шеќер во крвта и дијабетесот се поврзани со поголема стапка на смртност од коронавирус. Покрај тоа, постои и физичка компонента – кога лицето ео обезно, големите количини на складирани маснотии во пределот на градите додаваат притисок на градите, што значи дека дишењето им е отежнато, дури и ако се здрави.