Луѓето кои прескокнуваат појадок и јадат доцна навечер имаат пет пати поголем ризик од инфаркт

Три оброка дневно се обавезни доколку сакате да бидете здрави и убаво да изгледате, а појадокот е оној кој е најважен.

Со прескокнување на појадокот и јадење доцни вечери непосредно пред одење во кревет, на спиење, правите вистинска катастрофа за организмот. Научниците откриле дека луѓето кои почесто го прескокнуваат појадокот и јадат доцни вечери имаат многу мали шанси да преживеат ако ги погоди инфаркт. Тоа што порано во текот на денот го јадете му дава на телото поголеми шанси да ги согори калориите и да воспостави поздрав хормонален баланс. Изреката „појадувајте како крал, ручајте како принц, а вечерајте како сиромав“ сведочи дека луѓето кои јадат наутро имаат помали шанси да грицкаат во текот на денот.

Истражувачите од Универзитетот во Бразил набљудувале 113 возрасни луѓе кои преживеале инфаркт. Тимот открил дека 57 отсто од учесниците го прескокнувале појадокот најмалку три пати неделно, 51 процент од нив вечерале доцна навечер, а 41 отсто го прескокнувале појадокот и јаделе доцна навечер.

Оние кои редовно го прескокнуваат појадокот и јадат доцна навечер имаат пет пати поголеми шанси да умрат еден месец откако преживеале инфаркт или добиваат уште еден. Заради тоа се препорачува меѓу оброците и одењето на спиење да поминат најмалку два часа, а дека најдобар начин да се зачува здравјето е добро да се појадува. Оние кои нездраво се хранат имаат поголеми шанси да станат пушачи или да го зголемат внесот на алкохол. На ризикот најмногу се изложени луѓето кои често работат до доцна во ноќта.