Агнозијата е ретко, но тешко заболување во кое пациентот има тешко пореметување во перципирањето на информациите преку сетилата. Најчесто е последица на мозочни лезии, а најпознат вид е визуелната агнозија кај која пациентите немаат чувство и не ги препознаваат предметите кои ги гледаат.
Видови агнозија
Постојат и повеќе видови агнозија, во зависност од сетилото кое е зафатено со болеста. Најчесто е зафатено едно сетило, но тоа не мора секогаш да биде случај.
Најчести видови агнозија се:
- Визуелна агнозија -што претставува неможност да се препознае некој предмет со помош на сетилото за вид
- Аудитивна агнозија -што е неможност да се препознае нешто преку звукот
- Орално-вербалната агнозија -е неможноста за препознавање на говор
- Мирисна агнозија-неможност да се препознае мирис
- Тактилна агнозија– неможност да се препознае предмет преку допир
Со оглед на тоа дека оваа болест не се појавува често за неа не постојат специфични прочинители. Најчесто е последица на оштетување на мозокот предизвикано од мозочен удар, тумор или траума кои влијаеле на перцепријата и помнењето.
