Истражувањата покажале дека крвната група може да влијае на целокупното здравје на човекот. Научниците докажале дека лицата со крвна група А се помалку отпорни на маларија, од останатите крвни групи, па може да се каже дека крвната група А е послаба од останатите.
Која крвна група е најотпорна на болести?
Со долгогодишни студии утврдено е дека крвната група која е најсилна од сите останти е крвната група О.
Докажано е дека кај лицата со крвна група О постои помал ризик од заболувања од кардиоваскуларни болести, како што се мозочен и срцев удар, поретко од останатите групи имаат проблеми со помнењето, како и дека поретко заболуваат од одредени видови на карцином, како рак на панкреас или рак на желудникот.
Поради организмот кој е поотпорен на болести, лицата со крвна група О живеат најдолго. Еден од досега пронајдените причини зошто крвата група О е најздрава е таа дека крвта на оваа крвна група содржи помалку молекули кои може да предизвикаат згрутчување на крвта, а срцевите и мозочните удари ги предизвикуваат тромбовите.
Покрај тоа, она што е добро за срцето, добро е и за мозокот, па многу ризик фактори за кардиоваскуларните болести, воедно се и ризик фактори за менталните болести. На пример, познато е дека високиот холестерол и дијабетесот, кои може да предизвикаат кардиоваскуларни болести, исто така, е поврзан со деменција и Алцхајмерова болест.
