Мастектомијата го подобрува исходот на лекување кај напреднатиот рак на дојка

Резултатите од оваа студија укажуваат дека заедно со стандардните HER2 целни лекови и адјувантна хемотерапија, треба да се разгледа и операцијата за отстранување на примарниот тумор на дојка кај жени со рак на дојка во четврти стадиум кој е HER2 позитивен.

Според резултатите од нова студија спроведена во САД кај 3.200 жени со рак на дојка, мастектомијата може да го подобри преживувањето на жените со рак на дојка кој е во 4 стадиум и HER2 позитивен. Инаку, 20 до 30 отсто од новите случаи на карцином на дојка во четврти стадиум се HER2 позитивни. Многу пациентки со овој вид на карцином добиваат системска терапија, како што е хемотерапија, целна или хормонска терапија.

Што се однесува до мастектомијата, досега било нејасно дали таа всушност ги подобрува шансите за преживување на овие пацинетки.

Но, резултатите од оваа студија укажуваат дека заедно со стандардните HER2 целни лекови и адјувантна хемотерапија, треба да се разгледа и операцијата за отстранување на примарниот тумор на дојка кај жени со рак на дојка во четврти стадиум кој е HER2 позитивен.

Треба да се истакне дека мастектомијата била поврзана со 44% подобра шанса за преживување под претпоставка дека била примената и системска терапија.